Змянілася цана на запраўку газу ў малалітражныя балоны

Міністэрствам антыманапольнага рэгулявання і гандлю Рэспублікі Беларусь прынята пастанова ад 3 студзеня 2022 г. № 1 «Аб змяненні пастановы Міністэрства антыманапольнага рэгулявання і гандлю Рэспублікі Беларусь ад 10 лістапада 2016 г. № 36», якой змяняецца цана за 1 кг газу для запраўкі газавых балонаў аб'ёмам 1 л (0,4 кг), 5 л (2,0 кг), 12 л (5,0 кг), 27 л (11,4 кг).
Змяненне цаны на газ для запраўкі ў малалітражныя балоны праводзіцца штогод у планавым парадку і абумоўлена кампенсацыяй газазабеспячальным арганізацыям росту кошту набытага газу.
Гэта пастанова ўступіць у сілу пасля яе афіцыйнага апублікавання.

Пры гэтым звяртаем увагу, што гэтая пастанова не закранае рэгуляваных цэн на газ у балонах ёмістасцю 50 літраў (21 кг), якія карыстаюцца найбольшым попытам у насельніцтва.