Памятка спажыўцам паслуг таксі аб парадку накіравання ў МАРГ зваротаў у выпадку наяўнасці прэтэнзій да тарыфаў альбо якасці аказання паслуг таксі падчас правядзення II Еўрапейскіх гульняў
У мэтах павышэння эфектыўнасці маніторынгу выканання дыспетчарскімі службамі таксі і перавозчыкамі ўмоў Мемарандума аб гарантаванам узроўні тарыфаў на паслугі аўтамабільных перавозак пасажыраў аўтамабілямі таксі (далей − Мемарандум), а таксама норм заканадаўства аб аўтамабільным транспарце Міністэрства антыманапольнага рэгулявання і гандлю Рэспублікі Беларусь (МАРГ) заклікае пасажыраў, якія лічаць, што да іх пры аказанні паслуг таксі ў перыяд правядзення II Еўрапейскіх гульняў 2019 г. (21-30 чэрвеня 2019 г.) былі ўжытыя недобрасумленныя тарыфныя ўмовы, паведамляць пра такія факты ў МАРГ для прыняцця мер у рамках кампетэнцыі міністэрства.
Даведачна: Мемарандум аб гарантаванам ўзроўні тарыфаў на паслугі аўтамабільных перавозак пасажыраў аўтамабілямі-таксі ў перыяд правядзення II Еўрапейскіх гульняў 2019 года падпісаны 2 лістапада 2018 г. паміж Міністэрствам антыманапольнага рэгулявання і гандлю, Міністэрствам транспарту і камунікацый, Мінскім гарадскім выканаўчым камітэтам і прадстаўнікамі найбуйнейшых дыспетчарскіх службаў г. Мінска.
Згодна з умовамі Мемарандума, у перыяд з 15 чэрвеня па 5 ліпеня 2019 г. узровень тарыфаў на паслугі таксі для насельніцтва г. Мінска не павінен перавышаць узровень, які дзейнічаў па стане на 1 красавіка 2019 г.
Зварот у МАРГ па гэтым пытанні можа быць пададзены як з дапамогай электроннага звароту, так і пісьмовага звароту на паштовы адрас: 220030, г.Мінск, вул. Кірава, 8, корп.1.
Пры гэтым для разгляду звароту па сутнасці ў абавязковым парадку павінна быць прадастаўлена наступная інфармацыя:
- кантактныя дадзеныя пасажыра:
- прозвiшча, iмя, iмя па бацьку (калi такое маецца);
- адрас месца жыхарства (месца знаходжання);
- адрас электроннай пошты заяўнiка – пры падачы электроннаго звароту;
-
асабiсты подпiс грамадзянiна (грамадзян) – пры падачы пiсьмовага звароту.
- істота пытання: тлумачэнне, у чым канкрэтна выявілася парушэнне;
- дата, час, маршрут паездкі;
- дадзеныя пра перавозчыка (служба таксі, інфармацыйная сістэма);
- нумар дзяржаўнай рэгістрацыі (спецыяльны нумар) транспартнага сродку, у якім здзейснена паездка, а таксама марка (мадэль) аўтамабіля;
-
наяўнасць інфармацыйнай эмблемы (лагатыпу), якая пазначае перавозчыка, які заключыў Мемарандум.
Звяртаем увагу, што ўзровень тарыфаў на паслугі таксі ў перыяд правядзення II Еўрапейскіх гульняў 2019 года гарантаваны ў дачыненні да дыспетчарскіх службаў таксі, якія падпісалі Мемарандум. Іншыя перавозчыкі аўтамабілямі таксі, у прыватнасці, якія прапануюць паслугі таксі «ад борта» у адпаведнасці з заканадаўствам фарміруюць тарыфы самастойна, узровень такіх тарыфаў нарматыўнымі прававымі актамі не абмежаваны.
Даведачна: пералік дыспетчарскіх службаў таксі, якія падпісалі Мемарандум, размешчаны на афіцыйным сайце МАРГ.
Транспартныя сродкі дыспетчарскіх службаў таксі - удзельнікаў Мемарандума будуць пазначаныя наступным лагатыпам:
