Да ўвагі спажыўцоў і інтэрнэт-прадаўцоў, якія рэалізуюць тавары, якія былі ва ўжыванні, або ў якіх лiквiдаваўся недахоп

Пры рэалізацыі ў інтэрнэт-крамах тавараў, якія былі ва ўжыванні, у якіх лiквiдаваўся недахоп (недахопы) або якія маюць недахоп (недахопы), інфармацыя аб гэтым павінна даводзіцца прадаўцом да ведама спажыўцоў разам з найменнем тавару на сайце інтэрнэт-крамы.

У адпаведнасці з абзацам васямнаццатым пункта 4 Правілаў продажу тавараў пры ажыццяўленні рознічнага гандлю па ўзорах, зацверджаных пастановай Савета Міністраў Рэспублікі Беларусь 15 студзеня 2009 г. № 31 (далей – Правілы продажу па ўзорах), да моманту заключэння дагавора прадавец павінен давесці да ведама пакупніка, акрамя іншай, інфармацыю аб тым, што тавары былі ва ўжытку або ў іх лiквiдаваўся недахоп (недахопы), у тым ліку аб наяўных у таварах недахопах. Пры гэтым такая інфармацыя размяшчаецца непасрэдна з найменнем тавару і даводзіцца да ведама спажыўцоў у сетцы Інтэрнэт, г. зн. на сайце інтэрнэт-крамы (пункты 4, 6 Правілаў продажу па ўзорам).

У адпаведнасці з пунктам 6 артыкула 7 Закона Рэспублікі Беларусь ад 9 студзеня 2002 г. № 90-З «Аб абароне правоў спажыўцоў» (далей – Закон), калі тавар, якi набывае спажывец, быў ва ўжытку або ў ім лiквiдаваўся недахоп (недахопы), спажыўцу павiнна быць прадастаўлена інфармацыя аб гэтым. У выпадку набыцця такога тавару звесткi аб наяўнасцi недахопу (недахопаў) павiнны быць пазначаны ў дакуменце, якi пацвярджае факт набыцця тавару.

Даведачна:

Дакумент, які пацвярджае факт набыцця тавару, – касавы чэк, іншы плацёжны дакумент у адпаведнасці з заканадаўствам, квітанцыя да прыходнага касавага ордэра, таварны чэк, дакумент (карт-чэк, чэк і інш.), які пацвярджае здзяйсненне плацяжу з дапамогай банкаўскіх плацёжных картак, электронных грошай, сістэм дыстанцыйнага банкаўскага абслугоўвання, аўтаматызаванай інфармацыйнай сістэмы адзінай разліковай і інфармацыйнай прасторы, іншы дакумент, які пацвярджае аплату тавару ў адпаведнасці з заканадаўствам, належным чынам аформлены тэхнiчны пашпарт, інструкцыя па эксплуатацыі, кіраўніцтва карыстальніка, іншы дакумент, які змяшчае звесткі аб назве прадаўца, цане тавару (артыкул 1 Закона).

Часткай 3 пункта 10 Правіл продажу асобных відаў тавараў і ажыццяўлення грамадскага харчавання, зацверджаных пастановай Савета Міністраў Рэспублікі Беларусь 22 лiпеня 2014 г. № 703 (далей – Правілы продажу), вызначана, што калі тавары, якiя набываюць пакупнiкi, былі ва ўжыванні, маюць недахоп (недахопы ) або ў іх лiквiдаваўся недахоп (недахопы), пакупнікам павінна быць прадастаўлена інфармацыя аб гэтым. У выпадку набыцця такіх тавараў названыя звесткі павінны быць адлюстраваны ў таварным чэку.

З прычыны выкладзенага звесткі аб тым, што тавар быў ва ўжыванні або ў ім лiквiдаваўся недахоп, павінны даводзіцца прадаўцом да ведама пакупнікоў у адным (таварны чэк) і/або некалькіх дакументах.

Звяртаем вашу ўвагу !!!

У адпаведнасці з пунктам 77 Правілаў продажу, у выпадку рэалізацыі пакупніку былога ва ўжыванні нехарчовага тавару неналежнай якасці, калі яго недахопы не былi агавораны прадаўцом, пакупнік мае права на свой выбар прад'явiць патрабаваннi, прадугледжаныя артыкулам 20 Закона.

Даведачна.

Згодна з артыкулам 20 Закона спажывец, якому прададзены тавар неналежнай якасці, калі яго недахопы не былi агавораны прадаўцом, мае права на свой выбар патрабаваць:

• замены недабраякаснага тавару таварам належнай якасцi;
• суразмернага змяншэння пакупной цаны тавару;
• неадкладнай бясплатнай лiквiдацыi недахопаў тавару;
• кампенсацыi расходаў па лiквiдацыi недахопаў тавару.

Акрамя таго, спажывец мае права скасаваць дагавор рознiчнага куплi-продажу і патрабаваць вяртання выплачанай за тавар грашовай сумы ў адпаведнасцi з пунктам 4 артыкула 27 Закона.

Таксама ў выпадку непрадастаўлення спажыўцу неабходнай і дакладнай інфармацыі аб прапанаваным тавары ў частцы ліквідацыі ў ім недахопу (недахопаў) ці пра тое, што тавар з'яўляецца былым ва ўжыванні, спажывец мае права прад'явіць прэтэнзію аб скасаванні дагавора рознiчнага куплi-продажу і вяртанні выплачанай за тавар грашовай сумы (пункт 1 артыкула 16 Закона).

Даведачна.

На падставе пункта 1 артыкула 16 Закона, калі спажыўцу не прадастаўлена магчымасць неадкладна атрымаць у месцы рэалізацыі тавару неабходную і дакладную інфармацыю аб тавары, спажывец мае права патрабаваць ад прадаўца пакрыцця страт, выкліканых неабгрунтаваным ухіленнем ад заключэння дагавора, а калі дагавор заключаны, – у разумны тэрмін патрабаваць ад прадаўца (пастаўшчыка) скасавання дамовы і вяртання выплачанай за тавар грашовай сумы альбо ад вытворцы (пастаўшчыка) вяртання выплачанай за тавар грашовай сумы, а таксама кампенсацыю іншых страт.