Аб выніках работы МАРГ за першы квартал 2019 года ў сферы антыманапольнага рэгулявання

У адпаведнасці з ускладзенымі функцыямі адной з ключавых задач Міністэрства антыманапольнага рэгулявання і гандлю Рэспублікі Беларусь (МАРГ) як антыманапольнага органа з'яўляецца супрацьдзеянне манапалістычнай дзейнасці і нядобрасумленнай канкурэнцыі, выяўленне і спыненне парушэнняў антыманапольнага заканадаўства, а таксама садзейнічанне развіццю добрасумленнай канкурэнцыі.

У рамках работы па кантролі за выкананнем антыманапольнага заканадаўства міністэрствам за студзень-сакавік 2019 г. разгледжана 93 зварота суб'ектаў гаспадарання.

Камісіяй па ўстанаўленні факта наяўнасці (адсутнасці) парушэння антыманапольнага заканадаўства разгледжаны матэрыялы па 32 заявах аб парушэнні антыманапольнага заканадаўства. У выніку ўстаноўлены 3 факта наяўнасці парушэння і 22 факта адсутнасці парушэння Закона Рэспублікі Беларусь ад 12 снежня 2013 года "Аб супрацьдзеянні манапалістычнай дзейнасці і развіцці канкурэнцыі», 7 матэрыялаў накіраваны на дапрацоўку.

Даведачна: з 3 устаноўленых фактаў наяўнасці парушэння антыманапольнага заканадаўства 1 факт тычыцца парушэння антыманапольнага патрабавання да закупак тавараў, 1 - забароны на нядобрасумленную канкурэнцыю шляхам увядзення ў зман і 1 - забароны на нядобрасумленную канкурэнцыю, звязаную з набыццём і (або) выкарыстаннем аб'ектаў інтэлектуальнай уласнасці.

Па выніках праведзеных антыманапольных расследаванняў у першым квартале 2019 г. складзена 9 пратаколаў аб адміністратыўных правапарушэннях у сферы антыманапольнага рэгулявання, выдадзены 1 перасцярога і 11 папярэджанняў, сума штрафных санкцый склала 13,5 тыс рублёў.

У рамках ажыццяўлення дзяржаўнага кантролю за эканамічнай канцэнтрацыяй у мэтах папярэджання ўзнікнення і прадухілення ўзмацнення дамінуючага становішча на таварных рынках за студзень-сакавік 2019 г. ажыццёўлены 64 адміністратыўныя працэдуры. Так, па 45 адміністратыўным працэдурам антыманапольным органам выдадзены згоды на:

• здзяйсненне здзелак з акцыямі, долямі ў статутных фондах гаспадарчых суб'ектаў  - 29 (64,4%);
• рэарганізацыю камерцыйных арганізацый у форме зліцця і далучэння - 7 (15,5%);
• стварэнне холдынгу - 4 (8,9%);
• рэарганізацыю гаспадарчых суб'ектаў, якія займаюць дамінуючае становішча на таварных рынках – 3 (6,7%);
• выдадзены дакументы аб згодзе на стварэнне камерцыйнай арганізацыі - 2 (4,5%).
   

З мэтай ацэнкі ўзроўню манапалізацыі таварных рынкаў спецыялістамі МАРГ у першым квартале 2019 г. праведзены аналіз 21 таварнага рынку, у выніку якога ў Дзяржаўны рэестр гаспадарчых суб'ектаў, якія займаюць дамінуючае становішча на таварных рынках, уключаны 131 гаспадарчы суб'ект (з іх 4 - на рэспубліканскім і 127 - на мясцовым узроўнях), выключаны - 83 (на мясцовым узроўні).