6-7 ЧЭРВЕНЯ 2019 Г. АДБЫЎСЯ ВІЗІТ ПОЛЬСКАЙ ДЭЛЕГАЦЫІ Ў РЭСПУБЛІКУ БЕЛАРУСЬ

7 чэрвеня 2019 г. у рамках XXII Беларуска-Польскага эканамічнага форуму "Добрасуседства-2019" адбылася сустрэча сустаршыні Сумеснай Беларуска-Польскай камісіі па эканамічным супрацоўніцтве, Міністра антыманапольнага рэгулявання і гандлю Рэспублікі Беларусь Уладзіміра Калтовіча з намеснікам Міністра прадпрымальніцтва і тэхналогій Тадэвушам Касцінскім і першым намеснікам Міністра сельскай гаспадаркі і развіцця вёскі Тадэвушам Раманчуком.

У ходзе сустрэчы бакі абмеркавалі актуальныя пытанні двухбаковага ўзаемадзеяння ў гандлёвай і інвестыцыйнай сферах, у галіне сельскай гаспадаркі, транспарту, турызму, фінансаў.

Асобна адзначаны рэкордны двухбаковы тавараабарот, які па выніках 2018 года ўпершыню перавысіў 2,5 млрд. даляраў.

 

Па выніках сустрэчы падкрэслена неабходнасць далейшага развіцця беларуска-польскіх адносін ва ўсіх сферах, у першую чаргу, у гандлёва-эканамічнай, а таксама ўмацавання даверу паміж бакамі.

Акрамя таго, у рамках візіту ў Рэспубліку Беларусь дэлегацыя Рэспублікі Польшча наведала 29-ю міжнародную спецыялізаваную выставу «Белагра-2019» і правяла перамовы з кіраўніцтвам Міністэрства сельскай гаспадаркі і харчавання Рэспублікі Беларусь.