Справаздача аб правядзенні рэкламнай гульні

Арганізатар на працягу трыццаці дзён пасля заканчэння рэкламнай гульні абавязаны прадставіць у Міністэрства антыманапольнага рэгулявання i гандлю (220030, г. Мінск, вул. Кірава, 8/1) справаздачу аб яе правядзенні.

Пры адпраўленні справаздачы аб правядзенні рэкламнай гульні па пошце датай яе прадстаўлення лічыцца дата адпраўкі заказнога пісьма разам з вопісам прыкладзеных дакументаў.

У справаздачы аб правядзенні рэкламнай гульні павінны быць адлюстраваны:

1. звесткі аб месцы і даце складання справаздачы;
2. звесткi аб арганiзатары – найменне і месца знаходжання арганізацыі (прадстаўніцтва замежнай арганізацыі) або прозвішча, уласнае імя, імя па бацьку (калі такое маецца) індывідуальнага прадпрымальніка, уліковы нумар плацельшчыка;
3. звесткі аб дзяржаўнай рэгістрацыі рэкламнай гульні;
4. тэрмін пачатку і заканчэння рэкламнай гульні;
5. звесткі пра колькасць удзельнікаў рэкламнай гульні;
6. звесткі аб поўным або частковым розыгрышы прызавога фонду;
7. прозвішча, ініцыялы пераможцы (пераможцаў), звесткі аб яго (іх) выйгрышы, у тым ліку аб выдачы выйгрышу;
8. звесткі аб парушэннях, дапушчаных у ходзе рэкламнай гульні, і іх наступствах (пры наяўнасцi адпаведных парушэнняў);
9. звесткі аб скаргах, якія паступілі арганізатару або камісіі (пры наяўнасцi адпаведных скаргаў), i вынiках iх разгляду;
10. звесткі аб назве і даце выхаду друкаванага сродку масавай інфармацыі, у якім апублікаваны правілы правядзення рэкламнай гульні і звесткі аб выніках правядзення рэкламнай гульні.

У справаздачы могуць утрымлівацца па жаданні арганізатара і іншыя звесткі, якія адносяцца да правядзення рэкламнай гульні.

Да справаздачы прыкладаюцца копіі публікацый правілаў правядзення рэкламнай гульні і звестак аб выніках правядзення рэкламнай гульні.