Аб дакументах, якія падаюцца для дзяржаўнай рэгістрацыі рэкламных гульняў
У мэтах змяншэння колькасці адмоў у прыняцці заяў аб дзяржаўнай рэгістрацыі рэкламных гульняў Мiнicтэрства інфармуе арганізатараў рэкламных гульняў аб тыповых памылках, якія дапускаюцца пры падрыхтоўцы дакументаў, што падаюцца для ажыццяўлення адміністрацыйнай працэдуры «Дзяржаўная рэгістрацыя рэкламнай гульні з выдачай пасведчання аб дзяржаўнай рэгістрацыі рэкламнай гульні».
Згодна з патрабаваннямі пункта 6 Палажэння аб правядзенні рэкламных гульняў на тэрыторыі Рэспублікі Беларусь, зацверджанага Указам Прэзідэнта Рэспублікі Беларусь ад 30 студзеня 2003 г. № 51 (далей – Палажэнне), і падпункта 9.1 пункта 9 Пераліку адміністрацыйных працэдур, што ажыццяўляюцца дзяржаўнымі органамі і іншымі арганізацыямі ў адносінах да юрыдычных асоб і індывідуальных прадпрымальнікаў, зацверджанага пастановай Савета Міністраў Рэспублікі Беларусь 17 лютага 2012 г. № 156 (далей – Пералiк), для дзяржаўнай рэгістрацыі рэкламнай гульні арганізатар прадстаўляе ў Мiнicтэрства наступныя дакументы:
- заяву аб дзяржаўнай рэгістрацыі рэкламнай гульні;
- правілы правядзення рэкламнай гульні, зацверджаныя арганізатарам, у двух экзэмплярах;
- завераную арганізатарам копію дагавора, заключанага з выканаўцам работ і (або) паслуг, вызначаных у складзе прызавога фонду, альбо таварна-транспартнай накладной, таварнай накладной, плацёжнага даручэння, прыходных касавых ордэраў, касавага чэка, выпіску банка аб наяўнасці грашовых сродкаў на спецыяльным рахунку для захоўвання прызавога фонду ў беларускіх рублях, адкрытым арганізатарам у банку (далей – спецыяльны рахунак), і (або) іншы дакумент (яго копію), які пацвярджае завяршэнне фармiравання прызавога фонду;
- дакумент, які пацвярджае выплату дзяржаўнай пошліны за дзяржаўную рэгістрацыю рэкламнай гульні.
Даведачна:
У адпаведнасці з пунктам 5 Палажэння і падпунктам 9.1 пункта 9 Пераліку Мiнicтэрства ажыццяўляе адміністрацыйную працэдуру «Дзяржаўная рэгістрацыя рэкламнай гульні з выдачай пасведчання аб дзяржаўнай рэгістрацыі рэкламнай гульні».
У сілу артыкула 24 Закона Рэспублікі Беларусь «Аб асновах адміністрацыйных працэдур» пры разглядзе заявы аб дзяржаўнай рэгістрацыі рэкламнай гульні Мiнicтэрствам прымаецца адно з наступных адміністрацыйных рашэнняў:
- аб адмове ў прыняцці заявы аб дзяржаўнай рэгістрацыі рэкламнай гульні;
- аб ажыццяўленні адміністрацыйнай працэдуры;
- аб адмове ў ажыццяўленні адміністрацыйнай працэдуры.
Згодна з пунктам 5 артыкула 17 названага Закона i пунктам 10 Палажэння:
- рашэнне аб адмове ў прыняцці заявы аб дзяржаўнай рэгістрацыі рэкламнай гульні прымаецца на працягу трох рабочых дзён з дня рэгістрацыі такой заявы;
- рашэнне аб дзяржаўнай рэгістрацыі рэкламнай гульні або адмове ў ажыццяўленні адміністрацыйнай працэдуры ажыццяўляецца на працягу пятнаццаці дзён з дня рэгістрацыі заявы.
Тыповыя памылкі пры падачы дакументаў для дзяржаўнай рэгістрацыі рэкламнай гульні.
- Непрадстаўленне ў Міністэрства дакументаў, якія пацвярджаюць фарміраванне прызавога фонда рэкламнай гульні.
Так, патрабаванні да фарміравання прызавога фонду рэкламнай гульні ўстаноўлены пунктам 9 Палажэння.
Ніжэй прадстаўлена інфармацыя аб тым, якія дакументы пацвярджаюць фарміраванне прызавога фонду рэкламнай гульні і павінны быць прадстаўлены ў Міністэрства.
Дакументы аб фарміраванні прызавога фонду
Прызавы фонд рэкламнай гульні фарміруецца арганізатарам рэкламнай гульні | Дакументы, якія пацвярджаюць фарміраванне прызавога фонду рэкламнай гульні |
Грашовымі сродкамі | Выпіска з банка аб наяўнасці грашовых сродкаў на спецыяльным рахунку арганізатара |
Таварамі | Накладныя аб атрыманні арганізатарам рэкламнай гульні тавараў і аплатныя дакументы аб аплаце тавараў |
Таварамі ўласнай вытворчасці, якія маюць абмежаваны тэрмін прыдатнасці | Выпіска з банка аб наяўнасці грашовых сродкаў на вытворчасць такіх тавараў на спецыяльным рахунку арганізатара рэкламнай гульні |
Працамі і паслугамі | Дамова паміж арганізатарам і выканаўцамі работ і паслуг і аплатныя дакументы аб аплаце работ і паслуг альбо дагавор паміж арганізатарам і выканаўцамі работ і паслуг і выпіска з банка аб наяўнасць грашовых сродкаў на спецыяльным рахунку арганізатара. Калі арганізатар рэкламнай гульні сам аказвае работы і паслугі – дакументы, якія пацвярджаюць, што арганізатарам у рамках яго дзейнасці будуць выкананы або аказаны работы і паслугі (напрыклад, загад і да т.п.) |
Прызавы фонд рэкламнай гульні фарміруецца зацікаўленай асобай рэкламнай гульні: | Дакументы, якія пацвярджаюць фарміраванне прызавога фонду рэкламнай гульні |
Грашовымі сродкамі | Аплатныя дакументы аб пераліку зацікаўленай асобай грашовых сродкаў арганізатару рэкламнай гульні і выпіска з банка аб наяўнасці грашовых сродкаў на спецыяльным рахунку арганізатара |
Таварамі | Накладныя аб атрыманні тавараў (у выпадку, калі зацікаўленая асоба перадае тавары) альбо накладныя і аплатныя дакументы аб аплаце тавараў, а таксама аплатныя дакументы аб пераліку зацікаўленым асобай грашовых сродкаў арганізатару (у выпадку калі зацікаўленая асоба пералічвае арганізатару грашовыя сродкі на аплату тавараў, якія ўваходзяць у склад прызавога фонду рэкламнай гульні) |
Працамі і паслугамі | Дамова і аплатныя дакументы аб аплаце работ і паслуг альбо выпіска з банка аб наяўнасці грашовых сродкаў на спецыяльным рахунку арганізатара рэкламнай гульні, а таксама аплатныя дакументы аб пераліку зацікаўленым асобай грашовых сродкаў арганізатару рэкламнай гульні. |
- Непрадстаўленне ў Міністэрства арыгінала плацежнага даручэння, які пацвярджае факт аплаты дзяржаўнай пошліны за дзяржаўную рэгістрацыю рэкламнай гульні (у тым ліку прадстаўленні копіі названага плацежнага даручэння без арыгінальнага штампа банка і подпісы адказнага выканаўцы).
Згодна з абзацам другім пункта 6 артыкула 287 Падатковага кодэкса Рэспублікі Беларусь факт выплаты дзяржаўнай пошліны шляхам пералічэння сумы дзяржаўнай пошліны з рахунку плацельшчыка пацвярджаецца дадатковым экзэмплярам плацежнай інструкцыі, асобнікам плацежнай інструкцыі, складзенымі на папяровым носьбіце пры ажыццяўленні электронных плацяжоў, з адзнакай банка аб іх выкананні. Пры гэтым у адзнацы банка павінны ўтрымлівацца дата выканання плацежнай інструкцыі, арыгінальны штамп банка і подпіс адказнага выканаўцы.
- Змешванне паняццяў арганізатара рэкламнай гульні і зацікаўленай асобы.
Арганізатарам рэкламнай гульні і зацікаўленай асобай не можа быць адзін і той жа суб'ект гаспадарання, так як згодна з пунктам 2 Палажэння:
арганізатар рэкламнай гульні – гэта арганізацыя ці індывідуальны прадпрымальнік, якія зарэгістраваны ў Рэспубліцы Беларусь, якія ажыццяўляюць дзейнасць па вытворчасці і (або) рэалізацыі тавараў (работ, паслуг) ці аказваюць паслугі па арганізацыі і правядзенні рэкламных гульняў на падставе дагавора;
зацікаўленая асоба – арганізацыя або фізічная асоба, якія не з’яўляюцца арганізатарам рэкламнай гульні, але ўдзельнічаюць у фарміраванні прызавога фонду рэкламнай гульні шляхам ўнясення ў яго грашовых сродкаў і (або) iншай маёмасцi, выканання работ і (або) аказання паслуг на ўмовах распаўсюджвання рэкламы пра іх, аб іх таварах (работах, паслугах).