Адказ:

У адпаведнасці з пунктам 2 артыкула 13 Закона Рэспублікі Беларусь ад 10 мая 2007 г. №225-З «Аб рэкламе» (далей – Закон аб рэкламе) размяшчэнне сродку вонкавай рэкламы арганізацыяй, індывідуальным прадпрымальнікам, натарыусам, адвакатам альбо грамадзянінам, які ажыццяўляе рамесную дзейнасць або дзейнасць па аказанні паслуг у сферы аграэкатурызму, дапускаецца пры наяўнасці дазволу адпаведнага Мінскага гарадскога, гарадскога (горада абласнога падпарадкавання), раённага выканаўчага камітэта, якi выдаецца ў парадку, устаноўленым Саветам Міністраў Рэспублікі Беларусь, калі іншае не ўстаноўлена Прэзідэнтам Рэспублікі Беларусь.

Дадзенае патрабаванне Закона аб рэкламе не супярэчыць актам Прэзідэнта Рэспублікі Беларусь аб адміністрацыйных працэдурах. У адпаведнасці з пунктам 2 Указа Прэзідэнта Рэспублікі Беларусь ад 26 красавіка 2010 г. № 200 «Аб адміністрацыйных працэдурах, што ажыццяўляюцца дзяржаўнымі органамі і іншымі арганізацыямі па заявах грамадзян» (далей – Указ № 200) дзеянне часткi другой пункта 1 Указа № 200 (якая прадугледжвае забарону на ажыццяўленне па заявах грамадзян адміністрацыйных працэдур, не прадугледжаных у пераліку, зацверджаным Указам № 200) не распаўсюджваецца на адносіны, звязаныя з ажыццяўленнем рамеснай дзейнасці і дзейнасці па аказанні паслуг у сфер аграэкатурызму.

Такім чынам, згодна з нарматыўнымі прадпісаннямі пункта 2 артыкула 13 Закона аб рэкламе дазвол на размяшчэнне сродку вонкавай рэкламы (далей – дазвол) выдаецца грамадзяніну, які ажыццяўляе рамесную дзейнасць або дзейнасць па аказанні паслуг у сферы аграэкатурызму, у парадку, устаноўленым Саветам Міністраў Рэспублікі Беларусь.

Адпаведны парадак устаноўлены ў Палажэнні аб парадку размяшчэння сродкаў вонкавай рэкламы, зацверджаным пастановай Савета Міністраў Рэспублікі Беларусь ад 12 лістапада 2007 г. № 1497 (далей – Палажэнне).

Згодна з пунктам 4 Палажэння грамадзянін, які ажыццяўляе рамесную дзейнасць або дзейнасць па аказанні паслуг у сферы аграэкатурызму, размяшчае сродак вонкавай рэкламы на падставе дазволу, за выключэннем сродкаў вонкавай рэкламы, пералічаных у дадатку 10 да Палажэння, для размяшчэння якіх дазвол не патрабуецца.

Згодна з пунктам 9 Палажэння для атрымання дазволу рэкламараспаўсюджвальнік прадстаўляе ў адпаведны мясцовы выканаўчы i распарадчы орган (па месцы размяшчэння сродку вонкавай рэкламы) заяву па форме згодна з дадаткам 1 да Палажэння і дакументы, прадугледжаныя заканадаўствам аб адміністрацыйных працэдурах.

Пералік прадастаўляемых адначасова з заявай дакументаў прадугледжаны ў падпункце 9.11.1 пункта 9.11 адзінага пераліку адміністрацыйных працэдур, што ажыццяўляюцца дзяржаўнымі органамі і іншымі арганізацыямі ў адносінах да юрыдычных асоб і індывідуальных прадпрымальнікаў, зацверджанага пастановай Савета Міністраў Рэспублікі Беларусь ад 17 лютага 2012 г. № 156. Грамадзянінам, які ажыццяўляе рамесную дзейнасць або дзейнасць па аказанні паслуг у сферы аграэкатурызму, прадастаўляюцца адначасова з заявай дакументы па аналагічным пераліку.