Набываем тавар у інтэрнэт-краме правільна і абдумана
Інтэрнэт-крама - інфармацыйны рэсурс суб'екта гандлю ў глабальнай кампутарнай сетцы Iнтэрнэт, які дазваляе ажыццявіць заказ на набыццё або выбар і набыццё тавараў без (па-за) гандлёвага аб'екта.
Даведачна:
Інтэрнэт-крама павінна быць зарэгістравана ў Гандлёвым рэестры Рэспублікі Беларусь, а яе даменнае імя - у нацыянальнай даменнай зоне «.by» або «.бел».
Праверыць рэгістрацыю інтэрнэт-крамы ў Гандлёвым рэестры можна на сайце www.mart.gov.by.
Рэалізацыя тавару пры дапамозе сацыяльных сетак і інтэрнэт-мессенджера не дапускаецца.
1. Пры выбары тавару ўважліва азнаёмцеся з інфармацыяй на сайце інтэрнэт-крамы!
На галоўнай старонцы сайта інтэрнэт-крамы прадавец павінен давесці да ведама спажыўца на беларускай ці рускай мове наступную інфармацыю пра сябе:
- найменне арганізацыі, месца знаходжання, УНП; для індывідуальнага прадпрымальніка - прозвішча, імя, імя па бацьку, адрас, звесткі аб дзяржаўнай рэгiстрацыi i назве органа які ажыццявіў дзяржаўную рэгістрацыю;
- рэжым працы інтэрнэт-крамы;
- дату рэгістрацыі інтэрнэт-крамы ў Гандлёвым рэестры;
- спосабы аплаты тавараў і іх дастаўкі.
Даведачна:
Спагнанне дадатковай платы за выдачу тавару ў месцы, вызначаным прадаўцом (аб'екце прадаўца), з'яўляецца неправамерным, бо дадатковыя паслугі па дастаўцы тавару пры гэтым спажыўцу не аказваюцца.
На сайце інтэрнэт-крамы павінна ўтрымлівацца на беларускай або рускай мове наступная інфармацыя аб тавары:
- найменне тавару;
- найменне, месца знаходжання вытворцы;
- найменне, месца знаходжання пастаўшчыка, прадстаўніка, рамонтнай арганізацыі, упаўнаважанай на ліквідацыю недахопаў тавару і (або) яго тэхнічнае абслугоўванне;
- краіна паходжання тавару;
- гарантыйны тэрмін, калі ён устаноўлены;
- цана тавара (у беларускіх рублях);
- умовы аплаты дастаўкі тавару;
- тавар з'яўляецца канфiскаваным або накiраваным у даход дзяржавы іншым спосабам (калі ён такім з'яўляецца);
- тавар з'яўляецца былым ва ўжыванні ці ў ім лiквiдоўваўся недахоп (калі ён такім з'яўляецца).
На сайце інтэрнэт-крамы павінны быць размешчаны ўзоры плацежных дакументаў, якія фарміруюцца з выкарыстаннем касавага абсталявання, якія пацвярджаюць прыём прадаўцом ад пакупніка наяўных грашовых сродкаў (напрыклад, касавы чэк).
Дадаткова спажыўцу прадаўцом можа прадастаўляцца вусна наступная інфармацыя:
- звесткі аб абавязковым пацвярджэнні адпаведнасці тавараў, якія падлягаюць абавязковаму пацвярджэнню адпаведнасці;
- рэкамендацыі і (або) абмежаванні па выкарыстанні;
- найменне і месцазнаходжанне юрыдычнай асобы, упаўнаважанага на дастаўку, ўстаноўку, падключэнне і наладку тавару;
- колькасць і камплектнасць тавару;
- звесткі аб класах энергаэфектыўнасці тавараў.
Па патрабаванню спажыўца гэтая інфармацыя паведамляецца яму ў пісьмовай форме спосабам, вызначаным пагадненнем бакоў.
Пры куплі тавару ў інтэрнэт-краме рэкамендуецца захоўваць адрас інтэрнэт-старонак, на якіх размешчана інфармацыя аб прадаўцу і набытым тавары.
2. Аплата тавару, набытага ў інтэрнэт-краме.
Разлік за тавар ажыццяўляецца ў наяўнай і безнаяўнай формах. Прадавец абавязаны даць спажыўцу права выбару формы аплаты тавару.
Прадаўцу забаронена ўсталёўваць у дачыненні да аднаго віду тавараў розныя кошты ў залежнасці ад формы аплаты тавараў. Пры гэтым прадаўцом могуць ўсталёўвацца зніжкі, іншыя формы стымулявання рэалізацыі тавараў, а таксама разлікаў у безнаяўнай форме.
Інтэрнэт-прадавец абавязаны выкарыстоўваць касавы апарат.
3. Дастаўка тавару, набытага ў інтэрнэт-краме.
РЭКАМЕНДУЕМ:
- супаставіць інфармацыю, размешчаную на сайце інтэрнэт-крамы аб тавары і прадаўцу, з інфармацыяй у дакументах на набыты тавар (тэхнічны пашпарт, гарантыйныя талоны);
- перад падпісаннем дакументаў (акт прыёму-перадачы тавару, гарантыйны талон і інш.) і перадачы грашовых сродкаў неабходна ўважліва іх прачытаць;
- агледзець тавар на наяўнасць бачных дэфектаў па знешнім выглядзе і праверыць працаздольнасць тавару.
Курьер абавязаны:
- перадаць тавар, якасць якога адпавядае ўзору, апісанням, змешчаным на сайце інтэрнэт-крамы, а таксама патрабаванням заканадаўства;
- па патрабаванні пакупніка азнаёміць з дакументамі, якія сведчаць аб якасці і бяспецы тавараў (сертыфікат якасці, пасведчанне аб дзяржаўнай гігіенічнай рэгламентацыі і інш.);
- выдаць неабходныя дакументы (тэхнічны пашпарт, інструкцыю па эксплуатацыі, гарантыйны талон, які змяшчае адзнаку аб даце продажу, звесткі аб прадаўцу і сэрвісным цэнтры, подпіс прадаўца);
- правесці праверку якасці тавару (прадэманстраваць працаздольнасць), яго камплектнасці, наяўнасці дакументаў, якія перадаюцца спажыўцу з таварам;
- выдаць касавы чэк.
Пакупнік сведчыць прыём тавару подпісам у суправаджальных дакументах прадаўца.
Даведачна:
Звесткі аб прадаўцу - гэта поўнае найменне юрыдычнай асобы або прозвішча, імя, імя па бацьку індывідуальнага прадпрымальніка. Яны павінны супадаць са звесткамі аб прадаўцу, названымі на сайце інтэрнэт-крамы.
Не з'яўляюцца звесткамі аб прадаўцу нумар тэлефона, даменнае імя сайта інтэрнэт-крамы і г.д.
РЭКАМЕНДУЕМ!
Калі курьер спяшаецца і адмаўляецца прадэманстраваць тавар спажыўцу, адмаўляецца адкрыць герметычную ўпакоўку для агляду тавара ці дэманстрацыі яго ў дзеянні, лепш адмовіцца ад прыняцця тавару, зрабіўшы ў суправаджальных дакументах адзнаку аб адмове курьера ў правядзенні праверкі якасці тавару (знешнега агляду, дэманстрацыі працаздольнасці).