Скарэкціраваны парадак устанаўлення і прымянення тарыфу на перадачу цеплавой энергіі

Міністэрствам антыманапольнага рэгулявання і гандлю Рэспублікі Беларусь прынята пастанова ад 29 кастрычніка 2021 г. № 71  «Аб змяненні пастановы Міністэрства антыманапольнага рэгулявання і гандлю Рэспублікі Беларусь ад 19 лютага 2018 г. № 13», якой скарэкціраваны парадак устанаўлення і прымянення тарыфу на перадачу цеплавой энергіі.

Пастанова прынята ў мэтах выключэння з Інструкцыі аб парадку ўстанаўлення і прымянення тарыфу на перадачу цеплавой энергіі, зацверджанай пастановай Міністэрства антыманапольнага рэгулявання і гандлю Рэспублікі Беларусь ад 19 лютага 2018 г. № 13, пераходзячых з папярэдняга разліковага перыяду рэгулявання (2020 года) нормаў, якія носяць часовы характар.

Гэта звязана з тым, што з 2021 года ўстаноўлены новы парадак разліку базавага тарыфу на перадачу цеплавой энергіі (без уліку выдаткаў на аплату нармаваных страт цеплавой энергіі і ўцечак цепланосьбіта ў цеплавых сетках пры яе перадачы), і раней ужывальныя кампенсацыйныя меры па пакрыцці выдаткаў, звязаных са стратамі цеплавой энергіі, страцілі сваю актуальнасць.