Аб змяненні пастановы Міністэрства антыманапольнага рэгулявання і гандлю Рэспублікі Беларусь ад 15 мая 2017 г. № 25

У рамках прадастаўленых паўнамоцтваў МАРГ прынята пастанова ад 1 лістапада 2021 г. № 72 «Аб змене пастановы Міністэрства антыманапольнага рэгулявання і гандлю Рэспублікі Беларусь ад 15 мая 2017 г. № 25», якая прадугледжвае:

- устанаўленне новых тарыфаў на аэрапортавыя і аэранавігацыйныя паслугі, якія аказваюцца юрыдычным асобам;

Даведачна.

Тарыфы на аэрапортавыя і аэранавігацыйныя паслугі павялічаны ўпершыню з 2012 года ў мэтах зніжэння стратнасці іх аказання.

- унясенне на аснове практыкі прымянення змяненняў тэхнічнага характару ў Інструкцыю аб парадку ўстанаўлення і прымянення тарыфаў на паслугі аэрапортаў і аэранавігацыйныя паслугі;

- змяненне каэфіцыентаў пераводу, якія прымяняюцца пры аплаце замежнымі авіякампаніямі паслуг у замежнай валюце.

Аказанне паслуг па ўстаноўленых пастановай МАРГ № 72 тарыфах будуць ажыццяўляць РУП «Нацыянальны аэрапорт «Мінск» і
РУП «Белаэранавігацыя» юрыдычным асобам, якія ажыццяўляюць перавозкі паветраным транспартам.

Пастанова ўступае ў сілу пасля яе афіцыйнага апублікавання.