Рэестр бытавых паслуг

З 1 сакавіка 2015 г. прадстаўленне заяў аб унясенні звестак у ДзІР «Рэестр бытавых паслуг Рэспублікі Беларусь» (далей – Рэестр бытавых паслуг) можа ажыццяўляцца таксама ў электронным выглядзе праз адзіны партал электронных паслуг.

Прадстаўленне заяў аб унясенні звестак у Рэестр бытавых паслуг з'яўляецца электроннай паслугай агульнадзяржаўнай аўтаматызаванай інфармацыйнай сістэмы (далей - ААІС), плата за аказанне якой, у адпаведнасці з пунктам 2.5. пункта 2 Указа Прэзідэнта Рэспублікі Беларусь ад 24 ліпеня 2014 г. № 371 «Аб стварэнні дзяржаўнага інфармацыйнага рэсурсу «Рэестр бытавых паслуг Рэспублікі Беларусь», не спаганяецца.

Карыстальнік адзінага партала электронных паслуг пры падачы заяў у электронным выглядзе атрымлівае шэраг пераваг у параўнанні з заявамі, прадстаўленымі на папяровым носьбіце: 

• магчымасць падачы заяў у любы час на працягу сутак і атрымання пацверджання аб прыёме заявы парталам;
• магчымасць азнаёміцца са сваімі раней створанымі аб'ектамі бытавога абслугоўвання;
• зніжэнне выдаткаў працоўнага часу, звязаных з наведваннем мясцовых выканаўчых і распарадчых органаў. 

Для здзяйснення названай працэдуры неабходна наяўнасць у юрыдычнай асобы, індывідуальнага прадпрымальніка ключа электроннага лічбавага подпісу (ЭЛП), выдадзенага Рэспубліканскім цэнтрам па засведчанні (РЦЗ) Дзяржаўнай сістэмы кіравання адкрытымі ключамі праверкі электроннага лічбавага подпісу Рэспублікі Беларусь (ДзяржСКАК).

Згодна з арт. 29 Закона Рэспублікі Беларусь ад 28 снежня 2009 года «Аб электронным дакуменце і электронным лічбавым подпісе» сертыфікаты адкрытых ключоў, выдадзеныя ў ДзяржСКАК, абавязковыя да прымянення пры абарачэнні электронных дакументаў ва ўсіх дзяржаўных інфармацыйных сістэмах, а таксама ў іншых інфармацыйных сістэмах, якія змяшчаюць інфармацыю, распаўсюджанне і (або) прадастаўленне якой абмежавана.

Такім чынам, усе сертыфікаты адкрытых ключоў, выдадзеныя РЦЗ, абавязковыя да прымянення, у тым ліку і ў дзяржаўным інфармацыйным рэсурсе «Рэестр бытавых паслуг Рэспублікі Беларусь».

Падрабязную інфармацыю аб рабоце Рэспубліканскага цэнтра па засведчанні і атрыманні электроннага лічбавага подпісу можна знайсці на сайце www.pki.by.